ಬೆಂಗಳೂರು: ಭಾರತೀಯ ಮೂಲದ ಗಗನಯಾತ್ರಿ, ವಿಜ್ಞಾನಿ ಸುನೀತಾ ವಿಲಿಯಮ್ಸ್ ಸುದೀರ್ಘ ಕಾಯುವಿಕೆ ಬಳಿಕ ಕೊನೆಗೂ ಬಾಹ್ಯಾಕಾಶದಿಂದ ಭೂಮಿ ಸ್ಪರ್ಶಿಸಲು ಕ್ಷಣಗಣನೆ ಆರಂಭವಾಗಿದ್ದು, ಎಲಾನ್‌ ಮಸ್ಕ್‌ರ ಸ್ಪೇಸ್‌ ಎಕ್ಸ್‌ ಸುನೀತಾರನ್ನು ಭೂಮಿಗೆ ಕರೆತರುವಲ್ಲಿ ಮಹತ್ವದ ಪಾತ್ರ ವಹಿಸಿದೆ. ಅವರು ಸ್ಪೇಸ್‌ಎಕ್ಸ್ ಕ್ರೂ ಡ್ರಾಗನ್ ಕ್ಯಾಪ್ಸುಲ್‌ನಲ್ಲಿ ಸಿಬ್ಬಂದಿ ಜೊತೆ ಭೂಮಿಗೆ ವಾಪಸಾಗಲಿದ್ದಾರೆ ಎಂದು ಮೂಲಗಳು ತಿಳಿಸಿದೆ.
ಸುನೀತಾ ವಿಲಿಯಮ್ಸ್ ಬಾಹ್ಯಾಕಾಶದಲ್ಲೇ ತಾಂತ್ರಿಕ ದೋಷದಿಂದ ಸಿಲುಕಿಕೊಂಡಿದ್ದು,ಅವರು ಮತ್ತೆ ಭೂಮಿಯನ್ನು ತಲುಪುತ್ತಾರೆ ಎನ್ನುವ ಸುದ್ದಿ ತಿಳಿಯುತ್ತಿದ್ದಂತೆ ಕೋಟ್ಯಾಂತರ ಭಾರತೀಯರು ಹರ್ಷೋದ್ಗಾರ ವ್ಯಕ್ತಪಡಿಸುತ್ತಿದ್ದು,ಲ್ಯಾಂಡಿಂಗ್ ಸಮಯದಲ್ಲಿ ಯಾವುದೇ ವಿಘ್ನಗಳು ಬಾರದಂತೆ ದೇವರಮೋರೆ ಹೋಗಿದ್ದಾರೆ ಎನ್ನಲಾಗಿದೆ.
ಎಷ್ಟು ಗಂಟೆಗೆ ಸ್ಪ್ಲಾಶ್‌ಡೌನ್?
ಸೋಮವಾರ ಸಂಜೆ ಕ್ರೂ ಡ್ರ್ಯಾಗನ್‌ನ ಹ್ಯಾಚ್ ಮುಚ್ಚಿದಾಗ ಹಿಂತಿರುಗುವ ಪ್ರಕ್ರಿಯೆಯು ಪ್ರಾರಂಭವಾಯಿತು. ಬಾಹ್ಯಾಕಾಶ ನೌಕೆ ಸ್ಪೇಸ್‌ ಸ್ಟೇಷನ್‌ನಿಂದ ಅನ್‌ಡಾಕ್ ಮಾಡಿ ಭೂಮಿಗೆ ತನ್ನ ಪ್ರಯಾಣವನ್ನು ಆರಂಭಿಸಿದೆ. ಅಮೆರಿಕ ಕಾಲಮಾನ ಮಂಗಳವಾರ ಸಂಜೆ 5.57ಕ್ಕೆ ಸ್ಪ್ಲಾಶ್‌ಡೌನ್‌ಗೆ ಸಮಯ ನಿಗದಿ ಮಾಡಲಾಗಿದೆ. ಅಂದರೆ ಭಾರತೀಯ ಕಾಲಮಾನ ಬುಧವಾರ ಮುಂಜಾನೆ 3.27ಕ್ಕೆ ಸರಿಯಾಗಿ ಇಳಿಯಲಿದ್ದಾರೆ.
ಫ್ರೋರಿಡಾದ ಕರಾವಳಿಯಲ್ಲಿ ಬಾಹ್ಯಾಕಾಶ ನೌಕೆಯನ್ನು ಇಳಿಸಲಾಗುತ್ತದೆ. ಇಳಿದ ನಂತರ, ವಿಲಿಯಮ್ಸ್ ಮತ್ತು ಸಿಬ್ಬಂದಿಯನ್ನು ಟೆಕ್ಸಾಸ್‌ನ ಹೂಸ್ಟನ್‌ನಲ್ಲಿರುವ ನಾಸಾದ ಜಾನ್ಸನ್ ಬಾಹ್ಯಾಕಾಶ ಕೇಂದ್ರಕ್ಕೆ ಸಾಗಿಸಲಾಗುತ್ತದೆ. ಅಲ್ಲಿ, ಅವರು ಭೂಮಿಯ ಗುರುತ್ವಾಕರ್ಷಣೆಗೆ ಹೊಂದಿಕೊಳ್ಳಲು ಸಹಾಯ ಮಾಡಲು ವೈದ್ಯಕೀಯ ಮೌಲ್ಯಮಾಪನಗಳು, ಕಾರ್ಯಾಚರಣೆಯ ನಂತರದ ವಿವರಣೆಗಳು ಮತ್ತು ಚೇತರಿಕೆ ಪ್ರೋಟೋಕಾಲ್‌ಗಳಿಗೆ ಒಳಗಾಗಲಿದ್ದಾರೆ.
ಮಾರ್ಚ್ 15 ಶುಕ್ರವಾರ ನಾಸಾ ಕ್ರೂ-10 ಮಿಷನ್ ಅನ್ನು ಉಡಾವಣೆ ಮಾಡಿತು, ಬದಲಿ ಸಿಬ್ಬಂದಿಯನ್ನು ಐಎಸ್‌ಎಸ್‌ಗೆ ಕಳಿಸಲು ಫಾಲ್ಕನ್ 9 ರಾಕೆಟ್ ಬಳಸಿತು. ಇದು ವಿಲಿಯಮ್ಸ್ ಮತ್ತು ಅವರ ತಂಡವು ಭೂಮಿಗೆ ಹಿಂತಿರುಗುವ ಪ್ರಯಾಣಕ್ಕಾಗಿ ಹಿಂದಿರುಗುವ ಕ್ರೂ ಡ್ರ್ಯಾಗನ್ ಬಳಸಲು ಅವಕಾಶ ಮಾಡಿಕೊಟ್ಟಿತು.
Leave a Reply